田啟文回應合資格電影無法角逐金像獎 .第44屆香港電影金像獎前日公布2025年度香港正式公映電影片目，列出參選資格：「凡於2025年1月1日至12月31日在香港首輪公開售票放映，連續七天內上映不少於五場的香港電影，均自動獲資格參選『第四十四屆香港電影金像獎』。」名單中約47部電影合資格，有網民發現4部條件符合資格的電影未有在列表上，包括《不赦之罪》、《今天應該很高興》、《送院途中》、《地母》，引起網民議論。香港電影工作者總會發言人田啟文今早（15日）接受新城財經台《財知大道》節目訪問，他說：「由於我𠵱家唔係執委會成員，亦退任咗好耐，我亦唔知道呢件事，我都係無可奉告，最好方式就係問番協會，一路評選機制，每年都會開，我嗰陣時都會開會，檢討去傾，會唔會改制，我覺得要由協會回覆，但好似尋日睇到冇正式回覆，既然協會有咁嘅舉動，由佢哋回覆會係恰當啲，我哋只有觀察，梗係唔希望呢種唔明朗嘅嘢不斷出現，咁係會令人好多疑惑。」另外，新年伊始便有馬鞍山英皇戲院結業，田啟文直言不是好兆頭，但表示會有新經營者接手該戲院，他說：「我哋都觀望緊，唔希望呢種風氣持續落去。」