施亞斯舊年12月1號之後，相隔差唔多整整一年，再次喺英超取得入球；路基疏亞第300場為曼聯各項賽事上陣；列辛度馬天尼斯自從今年2月2號，休息10個月之後再一次喺英超上陣，對上一次又係對水晶宮；般奴費蘭迪斯今場貢獻兩次助攻，令佢喺曼聯球會史上嘅總助攻數字超越史高斯位居第四。水晶宮今季有六個球員每一場英超都踢正選，陣容變化同調動空間都比較細。艾薩克搵到加盟利物浦之後嘅第一個英超入波；加基普嘅努力得到回報，有一個入波同一個助攻。利物浦相隔差唔多一個月以來，第一次英超贏波。而沙拿自從2024年4月之後，第一次喺英超被放喺後備席。完全唔明白為何柏基達要咁樣不斷投訴，連客隊嘅龍門都加入勸解團希望平息佢嘅憤怒同不滿，奈何無果，最終兩黃一紅驅逐出場；卡倫韋遜兩年半以來，第一次連續四場英超正選上陣。卡些度38分鐘踩踏美連奴領紅牌令車路士踢少一個，但以較佳嘅表現同效率喺主場攞番一分。列斯詹士賽後就表示，球隊主場最後只係攞得一分令人失望。至於雙領隊賽後接受採訪就有唔同講法，瑪利斯卡將問題歸咎到人數劣勢之上，「大家都係相同條件（人數一樣）嘅話我哋明顯踢得比佢哋好，但係少一個就變得好困難嘞，不過我哋依然處理得幾好。」而艾迪達就為球隊未能夠把握人數優勢贏波作出辯解，「概括而論啦，我都認為當你有45分鐘可以踢多一個嘅情況下但係贏唔到而感到失望，但係你要明白我哋本週面對嘅對手嘅實力係有幾強。」英超第13週賽事賽果-賓福特3-1 般尼辛德蘭3-2 般尼茅夫曼城3-2 列斯聯愛華頓1-4 紐卡素托定咸熱刺1-2 富咸水晶宮1-2 曼聯阿士東維拉1-0 狼隊韋斯咸0-2 利物浦諾定咸森林0-2 白禮頓車路士1-1 阿仙奴 🏴󠁧󠁢󠁥󠁮󠁧󠁿