刘颖镟变配角唔会有“hard feeling” 自爆最开心係睇林嘉华拍剧 | 香港01
艺人刘颖镟昨日（22日）于天水围一商场出席剧集《执法者们》举办宣传活动，剧中饰演朱迪（Judy）的她今次不靠身手、不靠性感演出，而是饰演陈豪的助手。
刘颖镟接受《香港01》访问时被问会否不用“露”会觉得奇怪，她笑指不会，因为收到不少人告知她今次的造型有新鲜感：“冇估到你著住啲西装嘅打扮，或者著住呢个律师袍，都会有另一种感觉㗎喎，咁我就觉得係一个新鲜啲嘅造型，可以畀到观众睇到都係一件好开心嘅事嚟嘅。”
至于在过去上半年另一套剧集《夺命提示》中，刘颖镟与刘佩玥及丁子朗都是主角，今次于《执法者们》却变成配角，她则指不会有“hard feeling”，因为剧中有不少好戏之人：“好多嘅前辈，个个都返哂去拍啦，所以其实我觉得能够有呢个机会去参与，係好难得同埋真係畀咗一个机会我学到好多嘢。”
因为她饰演的律师可以与一众的好戏之人在同一场境中对戏，如：林嘉华、吴启华等人，所以她感到很兴奋。至于与剧中谁“对戏”最爽时，她则指是林嘉华，好忆述：“我哋放紧饭，跟住其实大家都係倾计，佢係好friendly啦，好钟意同我哋分享一啲故事，同我哋倾计啊好nice！跟住转个头一入法庭呢，佢就进入角色状态，哗！係180度转变，嗰刻係我会觉得好好睇。”
刘颖镟最近为健康产品担任代言人，被问到曾地狱式减肥时，她笑指现在不用地狱减肥：“咁其实我就会觉得唔好做节食，同埋唔好对自己身体咁差，即係畀自己食返应该食嘅嘢，跟住食返啲supplements，咁样其实我觉得已经好好。（你已经好瘦，点解仲需要减肥？）应该係话我哋嘅身体，係太容易会有啲浮动，即係可能你一排唔keep返节食，就好快可以有返即係之前嘅效果，咁我就想永远都係keep住一个好嘅状态，因为要对待嚟紧有嘅工作同机会啊。”
至于有否减肥的秘诀，她则指“唔好畀自己太多嘅规限”，但就要控制份量，之后便会有很大的帮助。
刘颖镟早前提到少了拍摄剧集，最近就有好消息，她表示即将会拍摄新剧《飞常日志2》，她马上露出兴奋的表情，更指可以“再喺机场取景”。而剧组更指可以去到不同的机场拍摄。
虽然她指《飞常日志2》即将开拍，但之后的工作就暂时未知，但会否少了工作她则表示除了剧集，她还有去拍综艺节目，再加上还有影片平台，所以是一样的忙。
