張兆輝孖謝天華首亮相ViuTV：去邊度都一樣

.

藝人謝天華與張兆輝今日（10日）出席ViuTV播出的新劇《絕命法官》記者會，兩人表示今次首度在ViuTV亮相，張兆輝說：「冇乜特別唔同感覺，去邊度都一樣。（怕唔怕無綫嬲？）都係為工作，佢哋會明白。」天華亦指自己作為演員，只要有投資方邀請他工作，他就會接受，這是正常不過。兩人揚言對劇集收視有信心，天華說：「因為對劇本同演員有信心，大家都好專業。」並謂沒有收視壓力，因為有「美點雙輝」坐陣：「美就係胡杏兒，仲有張家輝同張兆輝，3至80歲嘅觀眾都鍾意佢哋。」

張兆輝直言要齊集眾多好戲之人並不容易，難得每個角色都很有發揮空間，天華補充說：「套劇喺內地早幾日播咗，好多內地朋友都傳訊息畀我，話劇中太多驚喜位同估唔到，仲畀咗兩個手指公我。」問到會否擔心觀眾口味不同？張兆輝認為只要啱看就自然會追看，自己也是被劇本吸引。

提到張兆輝因港普發音而被內地網民改花名為「招招輝」，他笑言不知情，又自認普通話麻麻。講到今次在劇中跟張家輝合作，張兆輝稱跟對方有數年未合作，天華更接近20年未有跟家輝合作，大讚對方依然有料到，不過他在台上投訴對方「萬歲」次數少：「我同佢拍過幾場，都冇見過佢萬歲，但問其他人，個個都有食過佢請嘅嘢食。」