丁子朗太衝动变“吴卓羲2.0” 油腻感终减少：我觉得我个人还好 | 香港01
艺人丁子朗日前（25日）出席TVB剧集《夺命提示》结局晚宴，他接受《香港01》访问时表示早前播出的一幕丧母镜头是“考牌”之作：“一嚟嘅时候阿Jazz已经同我讲，你要好好准备，因为唔係咁容易，一个初出茅庐嘅男仔，佢遇到佢妈妈过身，仲要畀佢嘅敌人所打败、击倒。咁所以其实佢一直嘅工作就係希望打败啲坏人，但係点知佢做唔到，反其道而行，反转畀啲坏人射死咗佢妈妈，咁所以对佢嚟讲繫好大嘅衝击。”但可惜最后还是悲剧收场。
丁子朗近日被网民点名指他是“吴卓羲2.0”，原来是因为他在剧中饰演一个非常衝动的青年，跟吴卓羲的戏路有点像，都是衝动派。他笑指自己都有看网民这样说：“即係方子超好似我哋嘅师兄吴卓羲咁，好衝动，但係我想讲呢个係TVB剧嘅经典特色，係DNA！即係实有一个人係好衝动嘅，咁如果唔衝动点显得我哋嘅男主角山聪同埋振朗呢一个嘅机警呢？”
丁子朗更指剧本本来是写他是更衝动，但他就想怎样演会令自己演得舒服而观众又满意，最后亦成功令大家记住了他的演出。
虽然网民就觉得丁子朗是“吴卓羲2.0”，但对于他的“油腻感”却减少了，他自己就觉得只是角色问题：“之前好多人都话丁丁做嘅角色好油腻，但係都係只限于角色，我觉得我个人就还好。可能之前啲对白，尤其係《美丽战场》啦，嗰个角色我自己都觉得好油腻，唔好话观众！”但其实都是因为角色问题，有些角色因为很自恋，所以才会令人对他有油腻的感觉。丁子朗更指自己身为演员什麽都要试，而今次则遇到一个大家比较喜欢的角色：“咁我都好开心遇到呢啲角色。”
但角色方面，丁子朗则指并不是由自己控制，而现在拍的《侠医》，他饰演一个“超级大坏人”：“真係好坏好坏，啱啱出晒啲剧本，我见到‘哗！吓死我！’”但他觉得大家见到他有不同的方向，演出到不同的角色，不论油腻还是不油腻，对他来说都是一个很好的成长。
