【On.cc】欣宜突清空社交網刪Vlog 疑約滿寰亞鋪路重新出發
歌手鄭欣宜自前年4月突然停工後神隱至今，一直未有公開露面或交代健康狀況，大家都只可以靠佢被網民偶遇時嘅合照見到佢，佢最新一次見人已經係農曆新年間，現身金牌經理人陳淑芬嘅拜年合照中，依然精神奕奕。今日（24日）佢被發現突然清空社交平台，連影片Channel上嘅Vlog亦消失，只留下小量貼文及專輯歌曲。
欣宜（右一）最後一次「現身」係農曆新年。
依家佢個社交網已被清空，咩Post都冇晒。
有指佢同寰亞約滿。
雖然未知欣宜清空原因，但據知欣宜剛同寰亞約滿，此舉令人聯想到佢似有重新出發諗法，未知會否喺不久將來見到佢強勢復出。而當日佢冇預警下全面停工，經理人林珊珊只表示佢病咗，正在療傷中，更代為否認欣宜懷孕傳聞。去年9月時，好友許廷鏗就曾表示欣宜正籌備新歌；養病期間，又曾為許廷鏗歌曲《一場同學》MV客串演出，及為動畫《星願奇緣》配音。
粉絲要見到佢都靠街頭偶遇。
許廷鏗曾表示欣宜正籌備新歌。
大家都好想見到佢「復出」。
郑欣宜[超话]
